Jaamacada Bariga Afrika Ee Magaalada Buuhoodle, Oo Noqotey Waxtar Soo Kordhey,Ardeyda Wax Kabarata Dugsiyada Buuhoodle Oo Rajadoodu Tahay Mid Heer Sare Ah.(Dhageyso Codadka)

Buuhoodle(Allssc)- Jaamacada Bariga Afrika Ee Magaalada Buuhoodle, Oo mudo 1sano ah ka furan gudaha magaalada Buuhoodle yaa noqtey horumar soo kordhey gudaha gobolka Cayn.

Jaamacadani ayaa dhamaan dhiiri galisey Ardeyda waxkabarata dugsiyada ku yaala gudaha magaalada Buuhoodle, Yadoo ay Secondry yada ka furan gudaha magaalada Buuhoodle ay tiradoodu tahay labo Secondry oo kala ah” Howd Secondry School” Iyo Samater Baxnaan Secondry School.

Ardeyda dugsiyadani sare ka baxda sanadkii ayaa gaadhaya tiro dhan 170 Ardey,Yadoo ardeydani ahaayeen markii hore kuwo aan haysan Jaamacad ay markaasi u gudbaan, Isla mar ahaantaana ay soo mari jireen marxalado aad u fool xun.

Ardeyda ka baxda Imtixaanka Sanad Dugsiyeedka Secondry-yadani yaa horey waxay u ahaan jireen kuwo, Kala tafaraaruq ku dhaco,Yadoo qaar kood ay waxbarasho jaamacadeed u aadi jireen gobolada hareeraha ka xiga caasimada gobolka Cayn ee Buuhoodle.

Hadaba jaamacada Bariga Afrika Ee Magaalada Buuhoodle,Oo dhawaan laga furey gudaha magaalada Buuhoodle ayaa qeyb weyn ka qaadatey rajada Ardeyda waxkabarata gudaha magaalada Buuhoodle.

Jaamacadani ayaa ah mid ugu horeyba lagu furey dadaal ay iska lahaayeen bulshada ku dhaqan gudaha magaalada Buuhoodle,Yadoo uu dadaalkaasi horaadkiisii iska lahaa gudoomiyaha jaamacadani Dr.Cabdishaafi Axmed Cali.

Hadaba dadaalkani uu keenay Dr.Cabdishaafi Axmed Cali, Sidee ayay u arkeen bulsho-weynta ku dhaqan gudaha magaalada Buuhoodle??

Ugu horeyn jaamacadani ayey soo dhaweyn balaadhan u fidiyeen dhamaan bulshada ku dhaqan gudaha magaalada Buuhoodle,Isimo,Cuqaal,Waxgarad,Ganacsato,Masuuliyiin kale iyo Ardeyda wax ka barata gudaha magaalada Buuhoodle.

Jaamacadani oo shaqeyneysa mudo kooban kuna jirta simister kii labaad, Ayaa waxaa lagu soo dhaweeyay guri, Isla mar ahaantaana bulshada ku dhaqan deegaankani ay kumeel gaadh ahaan u dajiyeen Guri uu leeyahay nin ka mid ah Muwaadiniinta deegaankani kasoo jeeda”Cismaan Garaad Soofe”.

Hadaba Jaamacada Bariga Afrika Ee Magaalada Buuhoodle, Yaa waxa la qorsheeyay yadoo qorshahani iska lahaayeen dadweynaha ku dhaqan gudaha magaalada Buuhoodle, In loo dhiso jaamacadani Guri-Weyn oo Jaamacada gaara, Maadaama guriga la dajiyey Jaamacadani uu ahaa mid lasiiyey mudo kooban in ay degenaato.

Kadib markii ay jaamacadani balaadhatey lana arkey baahida ay u qabaan shacab-weynaha iyo Ardeyda wax ka barata gudaha magaalada Buuhoodle, Yaa waxa la bilaabey sidii loogu dhisi lahaa Qasri u gaar ah jaamacadani.

Yadoo dadaalka lagu dhisey ama lagu dhagax dhigey ay iska lahaayeen dal-joogta ku sugan gudaha magaalada Buuhoodle, Kadib markii ay arkeen baahida loo qabo jaamacadani.

Dhismaha u socda jaamacadani ee loogu tala galay in loo wareejiyo jaamacada, Lagana wareejiyo guriga shikhsigu leeyahay oo ahaa mid uu ugu deeqay mudo kooban inay jaamacadu degenaato ayaa ah mid hada maraya meel wanaagsan, Una baahan in la dhameystiro.

Your ads will be inserted here by

Easy AdSense.

Please go to the plugin admin page to
Paste your ad code OR
Suppress this ad slot.

Hadaba qurbo-joogta kasoo jeeda deegaankani ayaa ah kuwo aan yagu wali qeyb lixaad leh ka qaatey dhismahani qabyada ka ah”Jaamacada Bariga Afrika Ee Magaalada Buuhoodle”.

Sikastaba ha ahaatee waxaa in badan hall ka jaamacadani ka dhacey shirar badan oo lagu taageerayay jaaamacadani, Yadoo ugu horeyn ay halkaasi iskugu yimaadeen Isimo badan oo ay hogaaminayeen”Garaad Cabdillaahi Garaad Soofe Iyo Suldaan Siciid Cismaan Cali”, Yadoo ay Isimaduna shirkaasi ay soo jeediyeen Qurbo-joogtana fareen sidii ay wax ugala qaban lahaayeen dhismahani Qasriga ah ee qabyada ka ah“Jaamacada Bariga Afrika Ee Magaalada Buuhoodle”

Waxaa sidoo kale jaamacadani soo booqdey jaamacada”Nugaal University” oo uu ka socdo gudoomiyaha jaamacadaasi Prof- Lafoole, Yadoo Prof-Lafool uu jaamacadani aad u taageeray isla markaana soo dhaweeyay, Sidoo kale ugu hambalyeeyay Ardeyda Dugsiyada Sare ee magaalada Buuhoodle waxkabarata in ay maanta laga bilaabo heleen Jaamacad tayo leh, Isla markaana ay daadihinayaan macalimiin aqoon leh.

Dhanka kalena waxaa jirtay shir-balaadhan oo ay yimaadeen hallka shirarka ee jaamacadani, Wafuud uu hogaaminayay Madaxweynaha maamulka Khaatumo State Of Somalia mudane; Maxamed Yuusuf Jaamac Halac”Indhosheel” Yadoo Madaxweynuhuna sidoo kale farey dadka Ganacsatada ah ee ku sugan deegaankani iyo Qurbo-joogta kasoo jeeda gobolada Sool,Sanaag Iyo Cayn, In ay waxtar balaadhan ka geystaan dhismaha qabyada ka ah Jaamacadani.

Hadaba Hoos Ka Dhageyso, Codadka Shirkaasi Oo Dhameystiran, Iyo Qudbadii Madaxweyne; Maxamed Yuusuf Jaamac”Indhosheel” Oo Dhameystiran.

(Halkan Ka Dhageyso)

Sidoo kale mudo dhawaan ahayd yaa waxaa soo gaadhey”Jaamacada bariga Afrika Ee Magaalada Buuhoodle” Macalimiin yagu ka kala socdey wadamada deriska ah ee xuduudaha la leh wadanka Somalia, Macalimiintan oo kasoo bedeshay jaamacado ay wax ka dhigi jireen, Waxaana munaasibad balaadhan oo soo dhaweyn ah loo qabtey hall ka jaamacadani.

Hadaba Hoos Ka Dhageyso Qudbadihii Lagu Soo Dhaweynayay Macalimiintani, Oo Ku Soo Biirey”Jaamacada Bariga Afrika Ee Magaalada Buuhoodle”.

(Halkan Ka Dhageyso)

Ugudanbeyntii Jaamacada yaa waxay mareysaa meel aad u wanaagsan,Yadoo ay dhamaan dadka kasoo jeeda deegaankanina ay yihiin kuwo aad ugu riyaaqey, Isla markaana soo dhaweeyay, Sababo ay keentey baahi loo qabay jaamacad laga dhiso magaalada Buuhoodle, Balse waxaan wali dadaal mideysan iyo waxtar buuxa laga geysan Dhismaha loogu tala galay jaamacadani ee qabyada ka ah.

Hadaba deeq lacageed oo soo gaadha dhismaha qabyada ka ah”Jaamacada Bariga Afrika Ee Magaalada Buuhoodle”. Yaa waxay soo gaadhey maalinimadii shalay ahayd oo taariikhdu ahayd 06/01/2013, Yadoo deeqdani ay soo direen laba Ruux oo kasoo jeeda deegaankani gobolka Cayn, Labadan ruux oo ku nool wadan Uk.

Waxayna deeqdani keentay in dib u dhisid lagu sameeyo, Dhismihii qabyada ka ahaa Jaamacadani,Balse waxaa wali dhiman dadaal xoogaa ah oo loo baahan yahay in lagu dhameystiro dhismahani qabyada ka ah Jaamacadani.

Hadaba Hoos Ka Dhageyso Maamulka Jaamacada Oo Faah Faahin Ka Bixinaya Deeqdani Gaadhey 5,000 $ Isla Markaana Soo Gaadhey Jaamacadani Wax Weyna Ka Qabatey.

(Halkan Ka Dhageyso)

Iskusoo wada duuboo, Jaamacadani ayaa noqotey waxtar soo kordha, Isla mar ahaantaana rajo gelisay, bulsho-weynta ku dhaqan gudaha magaalada Buuhoodle, Iyo Ardeyda wax ka barata gudaha magaalada Buuhoodle, Dr. Cabdishaafi Axmed Cali,

Oo ah gudoomiyaha jaamacadani isla markaana aas aasey jaamacadani ayey Ardeyda ku sugan magaalada Buuhoodle iyo Bulshada qeybaheeda kala duwanba ay mahadcelin balaadhan hawada u marinayaan, Dr.Cabdishaafi Axmed Cali, Wuxuu keenay deegaankani kana qeyb qaatey horumarinta bulshada isaga oo dadaal ugu jira in uu dhameystiro baahida waxbarashada heer Jaamacadeed ay u qabaan dadweynaha reer Buuhoodle ee xarunta gobolka Cayn.

Allssc News Desk/Online
Rashiid Kayse Cawil
hiirad@allssc.com
hiiradcali@hotmail.com
Buuhoodle G/Cayn.

Like!
0
  • Like!
    0
admin
admin has written 1161 awesome articles.

Comments:

Leave A Comment

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>