Mid Kamid Ah Siyaasiyiinta U Dhashay GobolKa Jubbada Hoose Oo Ku Dhawaaqay Inuu Yahay Murashax U Tartamaya Qabashada Xilka Wadaxweyenenimo Ee Jubbaland

Siyaasi Kasoo Jeeda Gobolka Jubbada Hoose Ayaa markii ugu horeysay ku dhawaaqay inuu yahay musharax u tartamaya qabashada xilka Madaxweynenimo ee Gobollada Jubooyinka.

Cabdiwali Cali Dhimbil oo ah Aqoonyahan Dhalinyaro ah ayaa maanta kaga dhawaaqay shir ka dhacay Magaalada Nairobi oo ay ka soo qaybgaleen Siyaasiyiin, Aqoonyahano, Waxgarad, Ururada Haweenka, Dhalinyaro Iyo Bulshada Qaybaheeda Kala Duwan Inuu yahay Musharax u taagan  hanashada xilka Madaxweynenimo.

Siyaasigan oo kasoo jeeda Beelaha Deegaanka U ah Jubbaland, iyadoo ay shirkaas hogaaminayeen Xaaji Xerow Iyo Caaqil Cumar Jaamac Awdeer ayey dhamaanba sheegeen in ay taageersan yihiin murashaxa.

Mar ay  Saxaafadu wax ka waydiisay  Musharaxa qorshihiisa siyaasadeed ee ku aadan hadii uu ku guulaysato jagadaasi ayuu wuxuu sheegay qaarkamid ah Qodabada uu wax ka qaban doono, isagoo u kala saaray afar qaybood;

1:  Sugida Ammaanka iyo Kobcinta Dhaqaalaha Danyarta

2: Rajo soo celinta Mustaqbalka Da’yarta iyo kor u qaadida baahiyaha aasaasiga sida waxbarashada iyo caafimaadka.

3: Ilaalinta Xiriirka Caalamiga ah iyo nabad kuwada noolaanshaha Gobolka .

4:  Xaqiijinta Xuquuqda iyo Wada Noolaanshaha Dhamaan Beelaha Deegaanka

Ugu Danbayntii Musharax Cabdiwali Cali Dhimbil ayaa Ummada Soomaaliyeed gaar ahaan Beelaha Dega Jubbaland ka codsaday  Waxgaradka, Siyaasiyiinta, Culuma’udiinka iyo Aqoonyahanada , Dhalinyarada, Ururada Bulshada iyo Dhamaanba Dadka Soomaaliyeed inay taageeraan, Sidoo kale gacan ka gaystaan Nabada iyo Xasiloonida Gobolka kana qaybqaataan dib u heshiisiin dhab ah oo laga dhexdhaliyo Ummada Soomaaliyeed.

Short URL: http://allssc.com/?p=44008

Posted by SSCkenya on Oct 24 2012. Filed under Wararka. You can follow any responses to this entry through the RSS 2.0. You can leave a response or trackback to this entry