Baaq Nabadeed oo ay soo saareen Jaaliyadaha Waqooyiga Ameerika
Iyadoo aannu la tixgalinayo duruufta adag, dagaallada iyo weerarrada joogtada ah ee cadawgu ku hayo dadka reer SSC iyo dawladdooda Khatumo State of Soomaliya
Iyadoo maanta ay lagama maarmaan tahay inay dadka reer SSC mideeyaan cududdooda, caqligooda iyo agabkooda una jiheeyaan difaacidda qoysaskooda iyo ubadkooda
Iyadoo aynu wada ognahay baahida loo qabo in cadawyada labada dhinacba laga xoreeyo deegaannada ay xoogga ku haystaan iyo dadka ay guumeystaan ee reer SSC
Iyadoo la ilaalinayo taariikhda soo jureenka ah iyo sharafta, karaamada iyo yuhuunta dadka ku dhaqan gobollada SSC
Iyadoo aynu cuskanaynu tiirarka iyo qiyamka diinta Islaamka ah ee uu ku salaysan yahay dhaqanka soo jireenka ah dadka ree SSC
Iyadoo aynu wada ognahay in dawladdeena Maamulka Khaatumo ee Soomaaliya uu yahay curdan awooddeeduna tahay midnimadeenna iyo muruqeenna
Iyadoo aynu wada ognahay in dhibaatadaas ka dhex dhacday labada qoys ee walaalaha ay farxad iyo reyreyn u tahay labada cadaw ee hareeraha inaga xiga
Waxay dhammaan aqoonyahannada, waxgaradka, culamaaudiinka, haweenka, dhallinyarada rag iyo dumar ee Jaaliyadaha Qurbjoogta u dhalatay gobollada SSC ee Maamulka Khaatumo ee Soomaaliya ee kala ku kala dhaqan Dalka Maraykanka iyo Canada gobolladoodu, waxay tacsi u dirayaan guud ahaan dadka reer SSC iyo dawladdooda Khatumo State of Somalia, gaar ahaanna eheladii iyo qaraabadii dadkii ku jeeriyooda dagaalkii dhex maray labada qoys ee walaalaha ah.
Jaaliyaduhu waxay labada beelood ee walaalaha ah ugu baaqayaan in ay joojiyaan dagaalka iyo gacan-ka-hadalka, ayna wada-hadal ku dhammeystaan khilaafka dhex yaalla iyadoo loo sii marayo odayaasha guurtida ah ee maamulka, madaxda maamulka dawladda, isimada, cuqaasha iyo waxgaradka dadka reer SSC.
Jaaliyaduhu waxay labada beelood ku boorinayaan inay joojiyaan, awooddoodana u jiheeyaan difaaca taariikhda soo jireenka ah, sharafta, karaamada iyo yuhuunta dadka reer SSC iyo dawladdooda.
Waxannu xasuusinaynaa labada beelood ee walaalaha in waqtigan aynu joogno aynaan u baahnayn shaqaaqaad iyo xurgufo dhexdeenna ah, taas oo wiiqaysay wadajirkeenna iyo awooddeenna difaaca dhulkeenna, maatadeenna iyo sharafteenna.
Jaaliyaduhu waxa kale oo ku baaqayaan in odayaasha Guurtida ah, madaxda Maamulka Khaatumo, Isimada, Cuqaasha iyo waxgaradka reer SSC ay si degdeg ah u dhex galaan labada beelood soona af-jaraan dagaalka dhexmaray.
Jaaliyaduha qurbajoogta reer SSC ee waqooyiga Amerika waxay ballanqaadayaan inay si buuxda uga qaybgalayaan wax kasta iyo hab kasta oo lagu soo dabaali garo nabad waarta oo dhex marta labada beelood ee walaalaha ah iyo guud ahaan dadka reer SSC.
Jaaliyaduhu waxay ku ballanqaadayaan inay si buuxda uga qaygqaadayaan difaaca iyo dawladda Khatumo State of Somalia iyo ilaalinta nabadda shacabka ree SSS.
Jaaliyadaha Shirka ka qaybgalay ee baaqan soo wada saaray waxay kala ahaayeen:-
Jaaliyadda Gobolka California ee Maraykanka
Jaaliyadda Gobolka Arizona ee Maraykanka
Jaaliyadda Gobolka Connecticut ee Maraykanka
Jaaliyadda Gobolka District of Columbia ee Maraykanka
Jaaliyadda Gobolka Georgia ee Maraykanka
Jaaliyadda Gobolka Illinois ee Maraykanka
Jaaliyadda Gobolka Maine ee Maraykanka
Jaaliyadda Gobolka Michigan ee Maraykanka
Jaaliyadda Gobolka Minnesota ee Maraykanka
Jaaliyadda Gobolka Missouri ee Maraykanka
Jaaliyadda Gobolka New York ee Maraykanka
Jaaliyadda Gobolka North Carolina ee Maraykanka
Jaaliyadda Gobolka North Dakota ee Maraykanka
Jaaliyadda Gobolka North Dakota (western) ee Maraykanka
Jaaliyadda Gobolka South Carolina ee Maraykanka
Jaaliyadda Gobolka South Dakota (eastern) ee Maraykanka
Jaaliyadda Gobolka South Dakota (western) ee Maraykanka
Jaaliyadda Gobolka Tennessee (eastern) ee Maraykanka
Jaaliyadda Gobolka Tennessee (western) ee Maraykanka
Jaaliyadda Gobolka Texas ee Maraykanka
Jaaliyadda Gobolka Virginia ee Maraykanka
Jaaliyadda Gobolka Washington ee Maraykanka
Magaalada Ottawa ee dalka Canada
Magaalada Totonto ee dalka Canada
Gobolka Alberta ee dalka Canada
HOOS KADAAWO BAAQII jaaliyada Khaatumo State ee MN
Short URL: http://allssc.com/?p=33377
Posted by 
-